காதலித்து பார்! வைரமுத்து-

காதலித்து பார்! வைரமுத்து-

உன்னைச் சுற்றி
ஒளிவட்டம் தோன்றும்...
உலகம் அர்த்தப்படும்...
ராத்திரியின் நீளம்
விளங்கும்....

உனக்கும்
கவிதை வரும்...
கையெழுத்து
அழகாகும்.....
தபால்காரன்
தெய்வமாவான்...

உன் பிம்பம் விழுந்தே
கண்ணாடி உடையும்...
கண்ணிரண்டும்
ஒளிகொள்ளும்...

காதலித்துப்பார் !

***

தலையணை நனைப்பாய்
மூன்று முறை
பல்துலக்குவாய்...
காத்திருந்தால்
நிமிஷங்கள் வருஷமென்பாய்...
வந்துவிட்டால்
வருஷங்கள் நிமிஷமென்பாய்...
காக்கைகூட உன்னை
கவனிக்காது
ஆனால்...
இந்த உலகமே
உன்னை கவனிப்பதாய்
உணர்வாய்...
வயிற்றுக்கும் தொண்டைக்கமாய்
உருவமில்லா உருண்டையொன்று
உருளக் காண்பாய்...
இந்த வானம் இந்த அந்தி
இந்த பூமி இந்த பூக்கள்
எல்லாம்
காதலை கவுரவிக்கும்
ஏற்பாடுகள்
என்பாய்
காதலித்துப் பார்!

***

இருதயம் அடிக்கடி
இடம் மாறித் துடிக்கும்...
நிசப்த அலைவரிசைகளில்
உனது குரல் மட்டும்
ஒலிபரப்பாகும்...
உன் நரம்பே நாணேற்றி
உனக்குள்ளே
அம்புவிடும்...
காதலின்
திரைச்சீலையைக்
காமம் கிழிக்கும்...
ஹார்மோன்கள்
நைல் நதியாய்ப்
பெருக்கெடுக்கும்
உதடுகள் மட்டும்
சகாராவாகும்...
தாகங்கள் சமுத்திரமாகும்...
பிறகு
கண்ணீர்த் துளிக்குள்
சமுத்திரம் அடங்கும்...
காதலித்துப் பார்!

***

சின்ன சின்ன பரிசுகளில்
சிலிர்க்க முடியுமே...
அதற்காகவேனும்
புலன்களை வருத்திப்
புதுப்பிக்க முடியுமே...
அதற்காகவேனும்...
ஆண் என்ற சொல்லுக்கும்
பெண் என்ற சொல்லுக்கும்
அகராதியில் ஏறாத
அர்த்தம் விளங்குமே..
அதற்காகவேனும்...
வாழ்ந்துகொண்டே
சாகவும் முடியுமே
செத்துக் கொண்டே
வாழவும் முடியுமே...
அதற்காக வேணும்...
காதலித்துப் பார்!

***

கவிஞர்களின் கவிதைகள் (சுட்டது)

பறக்கத் தெரியும்
திசை தெரியாது
காதல் ஓர்இலவம் பஞ்சு.

கபிலன்
*******

என்னைத் தவிர
யாரிடமும் பேசாதே.
உன் இதழ்களில்
நனைந்துவருவதால்
வார்த்தைகளெல்லாம்
முத்தங்களாகிவிடுகின்றன.
பழநிபாரதி
*********

ஒரு பாதி கதவு நீ
மறு பாதி கதவு நான்
பார்த்துக்கொண்டே
பிரிந்திருக்கிறோம்
சேர்த்து வைக்ககாத்திருக்கிறோம்!

நா.முத்துக்குமார்
************

காதல் கவிதை
எழுதுகிறவர்கள்
கவிதை மட்டும்
எழுதிக்கொண்டிருக்கிறார்கள்
அதை வாங்கிச் செல்லும்
பாக்கியசாலிகளே
காதலிக்கிறார்கள்!

நா.முத்துக்குமார்
***********

கொலுசு
உன் கால்களோடு
போய்விட்டது!
சத்தம் மட்டும்
என் காதுகளோடே
வருகிறது!

பா.விஜய்
********

எண்ணெய் அப்பிய
ரெட்டை ஜடையில் சிக்கிவழுக்குது
மல்லிகைப் பூவும் என்மனசும்.
கம்பெனி சைக்கிளில்
போகும் உனை
வாடகை சைக்கிளில்
தொடர்வேன்.
உன்னை சமீபிக்கையில்
அறுந்து போகும்
செயினும் என் தைரியமும்.
பேச முடிவதே
கொஞ்ச நேரம்தான்!
வெட்கத்தை வீட்டிலேயே
வைத்து விட்டு
வரக்கூடாதா?

பா.விஜய்
**********

ரோஸ் ஜஸ் சாப்பிட்டு
வாய் சிவக்க நிற்பாய்!
நிற மாற்ற விதி
என்பது
இயற்பியல் அல்ல
இதழியல்!

பா.விஜய்
**********

சின்ன வயசில்
நிறையசிலேட்டு குச்சிகளை
முழுங்குவேனாம்!
இருபது வயதுகளில்
இப்படியெல்லாம்
உன்னைப் பற்றிஎழுதத் தானோ?

பா.விஜய்
*********

இரவில் ஒளிவிடும்
உன் உடலைப்பார்க்கும்
வரைதெரியாது எனக்கு
மின்மினிகள்
மின்னுவது
காதலால்தான்என்பது.

பழநிபாரதி
********

யாரோ நம் பெயரைசுவரில்
கிறுக்கியிருந்ததைப்படிக்கும்
பொழுது அச்சமாக இருந்தது.
நேற்று அதன்மீது
காதல் திரைப்பட போஸ்டரை
ஒட்டியிருந்ததைப் பார்க்க
மகிழ்வாக இருந்தது.

கபிலன்
*********

உன் காலடியில்
ஊரும் எறும்பைதயவுசெய்து
நசுக்கிவிடாதே
அது இழுத்துவரும்
இரைநம் காதலின் பெயரெழுதிய
அரிசியாக இருக்கலாம்.

பழநிபாரதி
*******

நீ ஒரு முறைதான்
பார்த்துவிட்டுப் போனாய்என்
வீட்டு ஆளுயரக்கண்ணாடி
உன் நிழற்படமாகிவிட்டது.

பழநிபாரதி
**********

இரவும் இரவும் சந்திக்கும்
இரகசியமான இடம்
உன் கூந்தல்.
அதைவிட இரகசியமான இடம்
உன் இதயம்.
அதனால்தான் அங்கே என்னை நீ
என்ன செய்கிறாய் என்றேதெரியவில்லை.

பழநிபாரதி
*********

நீ பருவமகள்
உண்மைதான்.
குளித்து முடித்த உன்கூந்தலில்
நீர் சொட்டும் போது
மழைக்காலம்.
சீவும்போது
இலையுதிர்காலம்.
நீ பூச்சூடும்போது
வசந்தகாலம்.
அதை அள்ளி
நான் போர்த்திக்கொள்ளும்போது
குளிர்காலம்.

பழநிபாரதி
**********

ஆதாம் ஏவாள் கனவில்
ஆப்பிள் துரத்துகிறது
ஆப்பிள் கனவில் பாம்பு துரத்துகிறது
பாம்பின் கனவில்சைத்தான் துரத்துகிறது
அனைவரில் கனவிலும்தோன்றி
கடவுள் சொல்கிறார்
காதலித்து கெட்டுப் போங்கள்!

நா.முத்துக்குமார்
**********

உனக்கும் எனக்கும் பிடித்த பாடல்
தேநீர்க் கடையில்பாடிக் கொண்டிருக்கிறது
கடைசி பேருந்தையும்விட்டு
விட்டுகேட்டுக் கொண்டிருக்கிறது
காதல்!

நா.முத்துக்குமார்
*****

ஜோக்ஸ்

வித்வான் : நேத்து என் கச்சேரிக்கு வருவீவிங்கன்னு எதிர்பார்த்தேன்.நம்மவர் : வரனுணும்னுதான் சார் நினைச்சேன்.அதுக்குள்ள வேறொரு கஷ்டம் வந்திருச்சி!.
*****

நோயாளி : டாக்டர்.. அந்த ரேசன் கடையில இரண்டு கிலோ சர்க்கரைக்குப் பதிலா அரை கிலோ கம்மியா குடுக்குறாங்க.டாக்டர் : அதை ஏன் எங்கிட்ட சொல்றிறீங்க?நோயாளி : நீங்கதானனே டாக்டர், சுகர் கம்ப்ளையண்ட் இருந்தா என்கிட்ட வாங்கன்னிங்க.
*****

தலைவர் : என்னப்பா மேடையில ஓடா வந்து விழுது…?தொண்டர் : ஓட்டை அள்ளி வீசுங்கன்னு சொன்னதை யாரோ தப்பா புரிஞ்சிக்கிட்டாங்க..
*****

நிருபர் : தீபாவளிக்கு ரிலீசாகிற உங்க படம் பிச்சிக்கிட்டு போகும்ன்னு சொன்னினீங்களே.. படத்துக்கு என்ன பெயர்?தயாரிப்பாளர் : ராக்கெட்.
*****

நர்ஸ்1 : டாக்டருக்கு சொந்தம்ன்னு சொல்லிக்க யாருமே இல்லை.நர்ஸ்2 : ஏன்?நர்ஸ்1 : எல்லாருக்கும் அவர்தான்னே ஆபரேசஷன் செய்தார்.

சுஜாதா

அறிவியல் ஹைக்கூ

ஸ்ரீ ராம ஜெயம் எழுதிவிட்டு

தொடங்கினேன்

கம்ப்யூட்டர் ப்ரோக்ராம்

**********

விண்வெளிக்கு சென்று திரும்பினால்

வயசாகிவிட்டது

காதலிக்கு .......

***********

அகழ்வாராய்ச்சி தோண்டலில்

அகப்பட்டது

கோகோ கோலா பாட்டில்

***********

சுஜாதா (ஏன் எதற்கு எப்படி லிருந்து சுட்டது)

சென்ரியு கவிதைகள்

நாற்காலி ஆசை
யாரைத்தான் விட்டது...
நாற்காலியில் பொம்மைகள்

கர்த்தர்
நம்மைக் காப்பாற்றுவார்...
சிலுவையில் கர்த்தர்

எப்பொழுதும் அலங்காரத்துடன்
வாழ்கிறார்கள் திருநங்கைகள்...
சாயம் போன வாழ்க்கை

ஆசிரியரின் பாடத்தில் அசோகன்
மாணவனின் மனதில்...
மரம் வெட்டும் தந்தை

தமிழ் நாட்டில்
சாதிக்கவும் தடை
சாதி

நன்றி
- மாமதயானை (நிலாச்சாரல்)

சென்ரியூ – நகைப்பாக்கள்

பூவா தலையா?

பூ கேட்கிறாள்

விதவை
***
முதியோர்களின்

முழு நேரப்

பேச்சிலும்

இளமைக் காலம்
***
கல்லும் இருந்தது

நாயும் இருந்தது

கை உடைந்த

நேரத்தில்
***
அன்னையும்

பிதாவும்..

படித்துக் கொண்டிருக்கிறது

அனாதைக் குழந்தை
***
அதிவேகமாய் ஓடினான்

ஓட்டப் பந்தய வீரன்

அடுத்த வீட்டுப்

பெண்ணுடன்!
***
மாற்று அறுவை

சிகிச்சை செய்து

முடித்தார் மருத்துவர்

நோயாளியை மாற்றி!
***

தேர் வராத

சேரிக்குள்

தேசமே வரும்

தேர்தல் நேரம்!

*****

ஏட்டிக்குப் போட்டி பேசும் பாட்டி

இறந்த பிறகும்

மூடவில்லை வாய்!

*****

வாய்ப்பாட்டு பாடுபவனின் வயிற்றிலும்

பாட்டிலும் பசி

*****

நன்றியுள்ள நாய்

வாலை ஆட்டியது

திருடனுக்கு

*****

மனதில் எழுதுகோல்

பற்றிய கவிதை

மை தீர்ந்த பிறகும்!

*****

எந்த பனித் துளிக்குள்

ஒளிந்து கிடக்கிறது………

என் கவிதை.

*****

நிலவைப் படம் பிடிக்க

முடியாத வருத்தத்தில்

வற்றிய குளம்!

***

தெளிந்த நீரில்

முகம் பார்த்த பிறகும்…

தெளியாத மனசு

***

பாவலர்கள் எழுதி விடுவார்களோ?

பயந்து முட்புதரில்

மறையும் நிலவு

***

நிசப்தமாய் இரு

இசை கேட்கலாம்

மழை வரப்போகிறது

***

தரிசு நிலக்

காட்டில் தவறி விழுந்த

காகிதத்தில் அறுவடைக் காலக் கவிதைகள்

***

ஆயிரம் பேர்

அழைத்தாலும்

ஆகாயத்தில்தான் நிலவு.

***

பச்சைப் பசேலென

அடர்ந்த மரக்காட்டில்………

கோடாரிச் சத்தம்

***

அழகிய வண்ணத்துப்

பூச்சி பறக்கும் திசையெல்லாம்……

உடன் பறக்கும் மனசு
***

உயிரையே வைத்திருக்கிறார்கள்

குழந்தைகள்...................

உயிரில்லாத பொம்மைகளின் மேல்!

***

மருந்து மாத்திரைகள்

தீர்ந்த பிறகும். .........

தீராத நோய்

***

சீமானின் மாளிகை

இடிந்த பிறகு நன்றாகவே தெரிகின்றன........

ஏழைகளின் குடிசைகள்

***

அமைச்சருக்குப்

போட்ட துண்டு எப்படி விழுந்தது. .........

பட்ஜெட்டில்!

***
பால் காய்ச்சித்தான்

குடித்தனம் போக வேண்டும்

சாராயம் காய்ச்சுபவனும்!

***

நிறைய மிட்டாய்கள்

வாங்கித்தரும் தாத்தாவிற்கு

பாவம் பல்லே இல்லை!

***

தமிழ் நாட்டில்

சாதிக்கவும் தடை

சாதி

***

யாருடைய ஆசியோ?

உயர்ந்து கொண்டே

போகிறது விலைவாசி

***

இல்லாதவனின்

உலக அனுபவம்

வெங்காயம்

***

சுருக்கமாகப்

பேசி முடித்தார்

விரிவுரையாளர்!

நன்றி
- மாமதயானை (நிலாச்சாரல்)

ஹைக்கூ கவிதைகள்

ஹைக்கூ கவிதைகள்
- ரூசோ

பிறை நிலாவில்
பெளர்ணமியை சூட்டுகிறாய்
உன் நெற்றியில் குங்குமம்!

***

சூரியன் கூட
ஓவியம் வரைகிறது
உன் நிழல்!

***

இரவு வானத்தைப் போல
என் இதயம்
எத்தனை பொத்தல்கள்
உன்னால்..!

கவிதை

காதல்
- ரூசோ

உன் பாதச் சுவடுகள்
பதிந்த மணல் கொண்டும்
உன் விரல் பட்ட
மரக்கிளைகள் கொண்டும்
உன் வெட்கத்தில்
வழிந்த வர்ணம் கொண்டும்
நமக்கான வீட்டைக் கட்டுவோம்...
அதில்
காற்றும் புகாத அளவுக்கு
காதலை நிரப்பி வைப்போம்...!